Festa di a lingua corsa 2020
Cù l'affare di a crisa sanitaria, a festa di a lingua corsa ùn s'hè micca pussuta fà di maghju è di ghjunghju. Omu spera di pudè fà megliu quist'annu chì vene ma in tantu u sirviziu LCC di a Cità d'Aiacciu vi prupone 4 manifestazione. Tutte e cundizione saranu messe in ballu da riceve a ghjente sicondu u protocolu sanitariu (luntananza di e parsone, soluzione idroalcolica). Ùn vi scurdate di purtà a vostra mascara...
Prugrama :
Prugrama :
- Marti u 29 di sittembre à 6 ore è mezu : Cunfarenza annant'à a puesia di Corscia è di tuttu u Niolu cù Jean luc Luciani (Premiu Musanostra 2020).
- Marcuri u 30 di sittembre à 6 ore è mezu : A ginealugia cù l'associu « corsica genealogia », prisintazione di i studii fatti da l'associu è prisintazione di a ginealugia d'unipoche di famiglie aiaccine cunnisciute.
- Ghjovi u 1 d'ottobre à 6 ore è mezu : Prisintazione d'un sciabeccu è storie di mare in tempi di e rivoluzione corse di u 18emu seculu cù l'associu « a madunetta ».
- Vennari u 2 d'ottobre à 6 ore è mezu : In partinariatu cù u Museu di Corti, cunfarenza "estru paisanu" annant'à a piazza di a mandulina è a ghitarra in a cultura aiaccina (ascolta di i fondi sunori).
